«Տէօչը Վելը» կը հաղորդէ, որ Գերմանիոյ մայրաքաղաք Պերլինի մէջ ներկայացուած է աշխարհի
երեք գլխաւոր միաստուածեան կրօններու` քրիստոնէութեան, հրէութեան եւ իսլամութեան համար
միասնական աղօթավայրի շինարարութեան նախագիծը: Առաջին քարի խորհրդանշական փոխանցումը
կատարուած է 3 յունիսին` ապագայ շինարարութեան վայրին մէջ: «Հաուս աֆ Ուան» անունով տան
նախագիծին նախաձեռնողները կը նշեն, որ աղօթավայրը պիտի կառուցուի Պերլինի կեդրոնը` Փեթրի
հրապարակի շրջանին մէջ, ուր 1237-ին հիմնադրուած է Պերլին քաղաքը: Շինարարութիւնը
պիտի ֆինանսաւորուի բացառապէս մասնաւոր ներդրումներու միջոցով: Անհրաժեշտ 43 միլիոն եւրոյէն
հաւաքուած է 2050 եւրօ: Շինարարութիւնը պիտի սկսի, երբ հաւաքուի առաջին 10 միլիոն եւրոն,
մօտաւորապէս 2016-ին: Նախագիծին նպատակը, ըստ նախաձեռնողներուն, «խաղաղ եւ բաց երկխօսութիւն
զարգացնելն է կրօններուն եւ մշակոյթներուն միջեւ»: